Sandra Bullock: S’më dhanë atë që meritoja, sepse isha femër

Sandra Bullock ka qenë një viktimë e seksizmit në industrinë e filmit. Aktorja 51-vjeçare, e cila më 2010 fitoi çmimin “Oskar”, e ka pranuar se ka pasur probleme të tilla në këtë industri, thjesht pse ka qenë një femër, transmeton “Zeri”. “Nuk e kam ditur kurrë se ka pasur kufizime, ku unë vlerësohesha shumë më pak edhe pse meritoja më shumë. Dhe erdha në përfundim se kjo ka ndodhur pasi isha femër”, ka thënë Bullock. Ajo ka deklaruar se kjo nuk e ka shkurajuar, por me tërë forcën u është kundërvënë atyre që kishin një qasje të tillë. Në anën tjetër, Sandra ka zbuluar se pikëpamjet e saj politike janë formësuar nga ajo që mendonte se është më e mira për djalin e saj 5-vjeçar, Louis. “Unë vetëm e dua më të mirën për vendin tonë. Dua që të përfaqësohen të drejtat e mia dhe të djalit tim”, ka thënë ajo.