Më 7 shkurt u mbajt nata e parë e festivalit italian të muzikës “Sanremo 2023”. Duket se jo gjithccka ka shkuar si duhet. Kjo pasi është shënuar një incident që është komentuar si skandal nga mediat italiane.
Këngëtari i njohur, Blanco është hasur me probleme teknike teksa ka interpretuar këngën “L’isola delle rose”. Ai nuk arriti të dëgjonte zërin e tij me kufje dhe si pasojë shkatërroi skenografinë, fillimisht duke shkelmuar lulet në skenë dhe më pas duke i hedhur dhe thyer.
Pas këtij veprimi, rrjeti ka shpërthyer.
Madje, shumë komentues kanë menduar se mos ishte pjesë e performancës.
Kujtojmë që vitin e kaluar, këngëtari konkuroi bashkë me Mahmood duke triumfuar.
