Hitet vijnë vetëm në verë? Kush e tha këtë?! Dëshminë se hitet vijnë në çdo stinë Jonida Maliqi. Së fundmi ka zbuluar se do të vijë me një këngë të re. Në një mënyrë jo fort të zakonshme, mësuam se një këngë ritmike, me ngjyra pranverore do të na shoqërojë në ditët e diellta.
Këngëtarja po e xhiron klipin në një nga hapësirat më të reja të argëtimit në kryeqytet, “Selfie Museum Albania”. Adhuruesit e fotografive kanë gjetur vendin perfekt, po ashtu edhe Jonida. Në dhomat ku gjen copëza të imagjinatës, adrenalina të rrëmben dhe aty mund të rrish pafundësisht. Po-po, pikërisht në njërën prej këtyre hapësirave, atë me telefona, Jonida ka pësuar një incident. Duke xhiruar, njëri prej tyre e godet në ballë. Syri i keq, apo ogur se kënga do jetë sukses, dimë vetëm që kjo e fundit, është e garantuar.
Kujtojmë se kjo nuk është hera e parë që Jonidës i ndodh një incident gjatë xhirimeve të një videoklipi dhe pikërisht “Ktheju tokës”, këngë me të cilën Jonida përfaqësoi Shqipërinë në “Eurovision 2019”.
