Sara Gjordeni dhe Bardhi kanë zgjedhur ta ndajnë me ndjekësit një moment shumë personal dhe simbolik: zhvendosjen në shtëpinë e tyre të re. Çifti, i njohur dhe i ndjekur gjerësisht që pas eksperiencës së Sarës në “Big Brother VIP Albania”, ka publikuar disa pamje që tregojnë më shumë sesa thjesht një ambient të ri, një fillim të ri.
Fotot dhe videot e postuara në rrjetet sociale zbulojnë një shtëpi me linja të pastra, stil bashkëkohor dhe një harmoni ngjyrash të buta, ku çdo detaj duket i menduar me kujdes.
Mesazhi që shoqëronte këtë zbulim ishte po aq domethënës sa vetë pamjet. Sara e ka cilësuar shtëpinë si rezultat të përkushtimit dhe ëndrrave të ndjekura me këmbëngulje, duke e kthyer momentin në një frymëzim për shumë vajza.
”Dedikuar vajzave që nuk ndalojnë kurrë së ëndërruari dhe punuar” – shkroi Sara në story, teksa ndau çelësat e shtëpisë.
