Këtë fundvit Sara ka vendosur që dhuratat e ditëlindjes së London dhe Roman t’i zëvendësojë me diçka shumë herë më të bukur. Me një postim në llogarinë e saj, trashëgimtarja e ‘Top Channel’ ka shkruar: “Çdo fundvit në familje festojmë ditëlindjen e London, e duke menduar për dhuratat e tij dhe Roman, po mendoja se përtej çdo gjëje që nuk shkon me botën sot, të gjithë kanë dëshirën për të gëzuar në dhjetor prej festave, por jo të gjithë kanë mundësi. Në fund të këtij viti të çuditshëm nëse njihni dikë që nuk ka mundësi t’u blejë dhurata fëmijëve për Krishtlindje dhe Vitin e Ri, më shkruani. Unë dhe familja ime kemi vendosur që të ndihmojmë sado pak në buzëqeshjet e fëmijëve të atyre familjeve ku festat nuk mund të vijnë këtë vit me dhurata. Me dashuri, Sara”.
Kaq ka mjaftuar që ndjekësit të lënë një sërë komentesh pozitive, sakaq Sara, Lori dhe gjithë familja Hoxha vazhdojnë rrugëtimin që babai i tyre, Dritan Hoxha nisi shumë vite më parë me një qëllim të vetëm, të ndihmonte kudo ku kishte shqiptarë dhe njerëz në nevojë, nëpërmjet një sërë organizimesh dhe formatesh të realizuara brenda ekranit të ‘Top Channel’./revistawho.com
