Sara Hoxha dhe Ledion Liço janë një nga çiftet më simpatikë të shoëbizit shqiptar. Përpara disa ditësh në emisionin “Shiko kush luan” Sara deklaroi se gjatë vitit 2018 do ta kurorëzojë lidhjen e saj me Ledionin në martesë. Mesa duket bukuroshja e ‘Top Channel’ ka dashur ta përforcoj akoma dhe më shumë këtë fakt me foton që ka publikuar sot në ‘Instagram’. Në foto duket Sara dhe Ledioni të veshur të dy me shumë shije dhe klas. Ajo përbri fotos ka shkruar: “Më puth ngadalë dhe unë filloj të ekzistoj dhe filloj të rritem në shikimin tënd”. Këtë përshkrim ajo e ka shoqëruar edhe me një unazë diamanti. Sara ndoshta do të tregojë dhe njëherë se 2018 po afron dhe duhet të fillojmë të përgatitemi për martesën e vitit.
