“Sarasvatiçandra”, ja çfarë do ndodhë të hënën

Kusum shqetësohet nga fjalët e Sarasit dhe lutet që Kumud të vijë sa më shpejt. Deni vjen dhe kujdeset për të. Kusum i thotë Denit mos të shtiret sikur shqetësohet për të sepse ai e urren atë. Deni i thotë: “Jo, unë nuk të urrej ty, unë urrej atë që bëre, unë e dua anën tënde të mirë. Edhe unë kam bërë një gabim, por mos e lë anën tënde të keqe të dominojë ty”. Saras flet me dikë ne telefon dhe i thotë se Kusum po e kupton gabimin. Kalika dëgjon Sarasin duke folur dhe pyet veten me kë po flet ai me kaq ëmbëlsi. Saras përfundon telefonatën dhe largohet. Në mëngjes Saras i thotë gjyshit se foli me Kumudin dhe ajo do kthehet për dy ditë. Kalika vjen dhe i thotë të shkojnë në tempull sepse ka lajme nga Kumudi. Ajo thotë se e kanë parë Kumudin tek stacioni. Dugba i thotë Sarasit të shkojë. Saras thotë jo, sepse Kumud tha mos ta kërkojnë. Dugba insiston dhe Saras niset. Kalika e ndjek. Saras shkon në një hotel për të takuar Kumudin dhe merr një letër nga ajo. Kalika e humb Sarasin. Dugba nuk pranon të hajë ushqim dhe i bie të fikët. Gjyshi telefonon Sarasin dhe ai i thotë se ka një lajm nga Kumudi që do e bëjë Dugban të hajë. Saras vjen dhe i kërkon të gjithëve të largohen përveç gjyshit dhe Dugbas. Saras i jep Dugbas letrën nga Kumudi. Dugba e lexon dhe letra shkruan se Kumudi është në tempull dhe do telefonojë më vonë. Saras i tregon asaj për Kusumin dhe që Deni dhe Kusum shkuan bashkë të gjenin Kumudin. Dugba thotë se Kumud nuk ka për t’u kthyer pa u bashkuar Deni dhe Kusum. Kusum kthehet në shtëpi dhe Kalika i thotë se një grua e ka parë Kumudin në tempull. Ajo i thotë të shkojnë por Kusum nuk e beson. Kalika i thotë se kur të vijë Kumudi, s’ka për ta lënë t’i rrijë afër Sarasit. Deni dhe Kusum shkojnë në tempull. Saras dhe gjyshi flasin me dikë në telefon. Kalika bëhet kurioze. Ajo i thotë gjyshit se do pastrojë dhomën dhe shënon në dorë numrin e fundit të cilin ka telefonuar Sarasi. Kalika shkon dhe dëgjon bisedën e gjyshit me Sarasin. Gjyshi po pyet Sarasin se kujt duhet t’ja lejë pasurinë. Kalika shkon tek Jash dhe i thotë se pa një ëndërr ku gjyshi ja dha të gjithë pasurinë Sarasit dhe Denit. Ajo i thotë atij të flasë me gjyshin. Jash i thotë se duhet ta bënte këtë para se të martohej por tani ai do punojë. Ai i thotë Kalikas se do i plotësojë çdo dëshirë. Deni dhe Kusum janë rrugës. Kusum qan dhe Deni e pyet çfarë ndodhi. Kusum i thotë: “Doja që Saras të vinte me mua që të shihte që unë dua vërtet ta gjej Kumudin por ai të dërgoi ty. Kumudi më tha të martohesha me të. Nuk e kuptoj çfarë gabimi kam bërë. Nuk e dija që Kumud do largohej nga shtëpia. Saras dhe familja më urrejnë tani. Ku është gabimi im?” Deni mahnitet nga fjalët e Kusumit dhe e përqafon atë. Ai i thotë asaj se nuk e urren dhe se çdo gjë do jetë mirë.