“Sarasvatiçandra”, Sunanda drogon Kumudin… ja çfarë do ndodhë nesër

Vidiaçatur i thotë Gumanit se do t’ja tregojë dokumentin e vërtetë së shpejti. Ai thotë se kjo shtëpi është e tyre përgjithmonë. Më pas ai i kthehet Denit dhe i thotë se ai u lëndua kur Deni tha që e kishte thyer lidhjen me këtë familje, megjithatë e fali, por sot ai është i sigurt që Deni e ka thyer lidhjen. Kusum qan. Deni largohet. Edhe Guman largohet. Maxhnu i thotë Sunandas se nuk mund të dyshojë tek sheiku që solli policinë. Sunanda dyshon se policët i ka sjellë Xhugnu. Ajo i kërkon falje sheikut. Deni shkon në dhomë dhe mbyll derën. Ai merr një telefonatë dhe i thotë: “Çfarë do të dëgjosh? Unë tradhëtova ata që më dhanë dashuri, për shkakun tënd i bëra ata të qajnë”. Saras i thotë se duhet ta bënte këtë. Deni ndihet keq. Ai i thotë Sarasit se Kusum është mërzitur. Saras i thotë se kur Kusum të mësojë të vërtetën do të respektojë më shumë. Deni nuk është dakort, por Saras i thotë se ai duhet ta bëjë këtë që të gjejnë dokumentin origjinal. Deni bie dakort. Sheiku vjen të takojë Kumudin. Xhugnu i thotë Sunandas se sheiku nuk mund ta takojë Kumudin sepse ajo është e tij. Ai i jep Sunandas paratë dhe i kërkon Kumudin. Sunanda i kërkon falje sheikut. Ajo i thotë të zgjedhë një vajzë tjetër ose të sjellë 1 krorë. Sheiku i thotë se do ja sjellë paratë brenda 24 orëve. Xhugnu i thotë Sunandas se nuk mund ta bëjë këtë. Sunanda i thotë se fati i Kumudit do të përcaktohet brenda 24 orëve. Saras dhe Maxhnu mendojnë si do të gjejnë paratë. Sunanda Ipyet Xhugnun pse e thërriti policinë. Xhugnu i thotë se nuk e thirri ai pasi ishte në qytet. Sunanda dyshon tek sheiku. Xhugnu e pyet nëse Kumud është e tij dhe Sunanda i thotë se po. Ajo i thotë ta çojë Kumudin diku larg duke e bërë atë të pandërgjegjshme.Xhugnu i thotë se policia do e kuptojë. Sunanda i thotë se do e veshë Kumudin si nuse të mbuluar nga Raxhasthani dhe policët nuk e hapin dot vellon. Guman dhe Kabir takohen. Kabir i thotë asaj se edhe ajo do bëjë diçka për të kur të vijë koha. Saras dhe Maxhnu arrijnë të sigurojnë një pjesë të parave me anë të disa miqve të Maxhnusë. Ai mendon t’ja kërkojë Denit pjesën tjetër por nuk lidhet dot me të. Saras i shkruan mesazh Denit t’i dërgojë 30 lakë por mos t’i thotë njeri në shtëpi. Samru i sjell drogën Sunandas që t’ja japin Kumdit. Sunanda i thotë Xhugnut të vishet si dhëndër. Ajo përzien drogën me ujin dhe i thotë Kaxhalit t’ja çojë Kumudit. Kumudi nuk e pi dhe Kaxhal thërret kërcimtaren Kusum sepse ajo është e vetmja që Kumudi dëgjon. Kërcimtarja Kusum dëgjon çfarë do i bëjnë Kumudit dhe vrapon të ndalojë Kumudin, por habitet kur e sheh gotën bosh. Sunanda vjen dhe sheh Kumudin pa ndjenja. Vidiaçatur i thotë Gunialit se ka gjetur një shtëpi me qira. Kusum nuk mund ta besojë që Deni e bëri këtë. Deni ka dërguar klientin e tij që t’i çojë paratë Sarasit. Saras shkon të marrë paratë. Sunanda i thotë Kaxhalit të bëjë gati Kumudin si nuse.