Scott Disick u bashkua me familjen Kardashian në një udhëtim në Bali në datën 28 prill, ndërkohë që e dashura e tij aktuale, Sofia Richie ndodhej larg partnerit të saj. Gjatë udhëtimit Scott dhe Kourtney kanë qenë tepër të afërt me njëri-tjetrin, aq sa dhe Khloe u shpreh se nëse do të ishte në vendin e Sofia-s do të ndihej shumë e pasigurt me këtë situatë.
Pavarësisht deklaratës së 34-vjeçares, Disick zbuloi se Richie ka një tjetër qëndrim ndaj kësaj situate dhe se vetë ajo i kishte thënë se nuk do të ndërhynte asnjëherë në marrëdhënien e tij në familje. Modelja 20-vjeçare dëshiron thjesht që ata të dy të komunikojnë për çdo gjë me njëri-tjetrin. Scott zbuloi gjithashtu se nuk do linte asnjëherë Sofian, pasi ajo është arsyeja pse ai ndihet i lumtur sërish.
Kujtojmë se pak kohë më parë, në ditëlindjen e 40-të të Kourtney Kardashian, Sofia Richie udhëtoi gjithashtu me familjen e famshme për të festuar ditëlindjen e ish-partneres së të dashurit të saj aktual./revistawho.com
