Në rrjetet sociale po qarkullon një video që ka ndezur debat rreth një situate të tensionuar në “Big Brother VIP Kosova”. Pamjet tregojnë një moment përplasjeje midis Benitës, Albës dhe Elijonës, ku kjo e fundit përpiqet të qëndrojë e qetë pavarësisht provokimeve.
Alba, e irrituar nga reagimi i saj i ftohtë, dëgjohet t’i thotë:
“Nuk duhet të kthesh përgjigje? Kështu do të flasin dhe do t’i zgjidhin gjërat pa kthyer përgjigje?”
Benita ndërhyn:
“S’e ka mamin këtu, s’ka argumente.”
E habitur, Elijona reagon:
“Qysh?”
Benita vazhdon:
“Veç unë të acaroj ty, oj çikë.”
Ndërsa Elijona i kthen përgjigje:
“Je shumë dobët që i kapesh njeriut në nënë.”
Më vonë në video, Benita shihet duke mohuar se ka përmendur nënën e Elijonës dhe madje e quan atë “viktimë”, gjë që rrit edhe më tej tensionin mes banoreve.
Në një tjetër moment të regjistruar, Alba shfaqet duke e goditur Elijonën me jastëk, ndërsa Elijona nuk reagon, por duket e bezdisur nga sjellja e saj.
Ky episod ka shqetësuar edhe familjarët e Elijonës, të cilët kanë reaguar përmes një postimi në Instagram.
Pasi videoja u shpërnda, rrjeti ka shpërthyer në kritika.
