“Ne kemi gocën arkitekte dhe ka studiuar jashtë dhe i kemi thënë që në fillim harroje shtetin dhe shiko të ushtrosh profesionin dhe të dalësh mbi ujë me forcat e tua. Për një periudhë kohe punoi asistente në një kantier. Pastaj ka hapur një studio të vetën të vogël. Është profesion i jashtëzakonshëm, por ka shumë konkurrencë dhe do shumë kurajo. Po ku është kollaj? Asgjëkund”. Kështu është shprehur ditën e sotme Kryeministri i Shqipërisë Edi Rama, duke folur për Rean që ai e quan vajzën e tij. Rama sot pati një takim me të rinj e të reja të shkolluar në qytetin e Lezhës. Ai tregoi për këshillën që i ka dhënë Reas pasi u diplomua duke këmbëngulur që ajo të ndërtojë diçka të sajën. E në fakt Rea e ka nisur. Siç e dini ajo ka një studio të sajën në kryeqytet ndërsa së fundmi u bë pjesë e Biennales me një krijim në ekspozitën ku merrnin pjesë artistë nga shtete të ndryshme./ revistawho.com
