Këngëtaret e njohura të skenës Adelina dhe Zanfina Ismaili janë shumë të pëlqyera dhe të dashur nga publiku shqiptar. Jo më pak vëmendje shpesh herë ka zënë edhe motra e tyre, Ema Ismaili, e cila gjendet gjithnjë pranë motrave të saj, në çdo hap të karrierës.
Adelina, ka qenë ajo e cila së fundmi ka publikuar një fotografi në Instagram, me mbishkrimin: “E & A më keni bërë njeriun më të lumtur në botë…”, fjali kjo që përfshinte dy inicialet e motrës dhe të fejuarit të saj, duke treguar se së shpejti do të martohen.
E kontaktuar nga “Telegrafi”, motra e këngëtareve, bukuroshja Ema ka pohuar se brenda këtij viti do të martohet, por jo në këtë muaj.
“Është e vërtet që do martohem. Nuk kemi caktuar ende datë, por në tetor do të jetë dasma”, ka thënë Ema Ismaili për “Telegrafin”.
