Së shpejti drejt altarit, çifti i njohur planifikojnë një dasmë shumë intime

Orlando Bloom dhe Katy Perry shumë shpejt do të kurorëzojnë me martesë dashurinë e tyre. Dyshja e njohur kanë nisur nga planet dhe përgatitjet e dasmës, e cila duket se do të jetë shumë private. Burime për revistën “People” kanë treguar se Katy dhe Orlando janë shumë të lumtur, por nuk dëshirojnë të zbulojnë detaje të dasmës. “Ata janë shumë të lumtur që u fejuan dhe po planifikojnë martesën. Ata po tregohen shumë të rezervuar për detajet, por duket se duan diçka të vogël dhe shumë intime. Gjithashtu Katy dhe Orlando duan të krijojnë një familje bashkë”, kanë zbuluar burimet. Për momentin çifti i njohur janë duke shijuar ditët në festivalin më në zë, “Coachella”. Ditën e premte ata u fotografuan duke shëtitur të kapur përdore në ambientet rreth festivalit. Kujtojmë se Perry dhe Bloom u fejuan në Ditën e Shën Valentinit dhe këtë gjë ua bënë surprizë të gjithëve, duke dhënë lajmin në ‘Instagram’. /revistawho.com