Gaz Paja prej disa vitesh po jeton një histori të bukur dashurie me një vajzë të qujtur Ira. Aktori i njohur i humorit ka preferuar që për këtë lidhje dhe jetën private në përgjithësi të tregohet i rezervuar, ndaj nuk dihen detaje të shumta nga marrëdhënia e tij me vajzën në fjalë.
Megjithatë së fundmi është mësuar se Gazi ndjehet shumë i lumtur përkrah saj dhe ka vendosur t’i japë fund beqarisë. Burime për “Xing.al” kanë treguar se aktori i humorit do të martohet në verën e këtij viti, por ende nuk dihet data e saktë. Thuhet se organizimin e dasmës ai ja ka besuar “Ami Event”, që do të kujdeset për çdo detaj të ceremonisë. Pak kohë më parë në një intervistë për “Wake Up” si rrallëherë Gaz Paja tregoi se lidhja me Irën po shkon shkëlyqer dhe se përkrah saj ndjehet mirë, sepse i fal qetësi.
Në rrjet qarkullojnë shumë pak fotografi të aktorit me të dashurën e tij, të cilat janë shkrepur në evente të ndryshme, ndërsa ai vetë ka publikuar vetëm një foto për vitin e ri. /revistawho.com
