Televizionet shqiptare kanë një programacion të larmishëm por ato që ndiqen më shumë janë sigurisht emisionet. Së shpejti në ekran do të fillojnë disa emisione të reja dhe këto projekte na i kanë zbuluar vetë moderatoret. “RevistaWho.Com” ju sjell në vazhdim emisionet e reja që të do të shohim në ekran.
Luana Vjollca do të rikthehet së shpejti në Top Channel me formatin “Take me out Albania”. Ky është një program ku djem e vajza do të njihen me njëri-tjetrin e ku mund të gjejnë dashurinë e vërtetë. Pas mbarimit të “Shiko kush luan”, Luana po punon çdo ditë për ta sjellë këtë program në ekran megjithatë një datë zyrtare nuk është bërë ende e ditur.
Alketa Vejsiu përpos “Në kurthin e Piter Pan”, do të sjellë edhe një format të ri televiziv. Programi pritet të fillojë në sezonin e ri televiziv në TV Klan, pra në shtator, por moderatorja nuk ka zbuluar më shumë se kaq duke na bërë të gjithë kuriozë.
Roza Lati do të jetë moderatorja e spektaklit më të ri në “RTV Ora”. Ky program është një “luftë” mes të bukurës dhe të zgjuarës, ka lojëra dhe shumë dinamikë. Nuk është bërë ende e ditur data kur do të fillojë spektakli.
Kiara Tito do të rikthehet shumë shpejt në ekran me një emision komplet ndryshe nga ato të cilët e kemi parë deri tani. Kiara do të prezantojë një emision mode. Përflitet se ajo do të rikthehet në Top Channel megjithatë kjo nuk është e sigurt derisa Kiara ta konfirmojë se në cilin televizion do e shohim.
Liesa Haxhiasllani pas një viti do të rikthehet gjithashtu në ekran me një program të ri televiziv. Ky do të jetë një program showbizi, me intervista, lidhje telefonike dhe informacione.
Dajana Shabani pas mbarimit të “Casa de los tres”, ka njoftuar se do të rikthehet në ekran me një projekt të ri. Mirëpo moderatorja ka preferuar të mos zbulojë të tjera detaje për ta lënë surprizë./revistawho.com
