Kim Karadashian pret që shumë shpejt të vijë në jetë fëmija i saj i katërt, i cili do të lindet nga një nënë surrogate. Ylli i “Keeping Up With the Kardashians” ka treguar se e pret me padurim momentin kur vogëlushi do të vijë në jetë, ndaj ka nisur me kohë përgatitjet. Së fundmi e ftuar së bashku me dy motrat e saj, Khloe dhe Kourtney, në emisionin “Jimmy Kimmel Live”, Kim ka zbuluar se ka zgjedhur edhe emrin për djalin.
“Po mendoja ta quaja Rob, njësoj si vëllai im. E ndjej vërtet këtë emër”, është shprehur ajo. Gjithashtu Kim ka shtuar se ka marr edhe aprovimin e vëllait të saj, ndaj ka shumë mundësi që vogëlushi të ketë emrin e tij. Ajo ka treguar se kur lindin fëmijët survejon gjithë familjen për të parë nëse emri tingëllon bukur dhe shkon me pamjen e bebit. Kim Kardashian ka dhe tre fëmijë të tjerë nga martesa me Kanye West, North, Saint dhe Chicago. /revistawho.com
