“Fiks Fare” do të nisë sezonin e ri në fillim të këtij muaji, mirëpo këtë herë me disa ndryshime. Stafi i emisionit ka bërë me dije publikun se tani dy velinat do të jenë Altea Noka dhe Dajana Ponari, emra këto jo shumë të panjohur. Vajza janë e kundërta e njëra-tjetrës, një brune dhe një bionde, por të dyja me një pasion për modelingun. Dajana është kurorëzuar si “Miss Durrësi 2019” dhe ka fituar çmime si “Miss Sirena”, në të njëjtën kohë është bërë pjesë e sfilatave të shumta.
Altea gjithashtu ka fituar çmime bukurie, atë të “Miss Bikini 2018”, por përveç modelingut, ajo është marrë dhe me not në një nga ekipet e njohura të kryeqytetit. Velinat janë një pjesë e rëndësishme të emisioneve të tilla si “Fiks Fare” dhe gjithmonë ka shërbyer si një shtysë për vajzat që kanë zgjedhur të bëhen të famshme. Emisioni investigativ do të nisë në datë 2 shtator me siguri me surpriza dhe çështje të bujshme./revistawho.com
