Arjola Shehu është një nga emrat më të rinj të showbiz-it shqiptar dhe është kthyer shpejt në një nga moderatoret e preferuara nga publiku. Karriera e saj ka filluar me spektakle të mëdha. Përmendim këtu ‘Kënga Magjike’, ‘Netët e Klipit Shqiptar’ dhe tani ‘Miss Shqipëria’. Arjola ka publikuar shpeshherë foto në rrjete sociale ku ka zbuluar momente nga xhirimet dhe përgatitjet, ndërsa ditën e sotme moderatorja është shfaqur e veshur me një fustan në stil princeshe dhe një kurorë në kokë. Ajo ka marrë shumë komente pozitive nga miqtë dhe kolegët e saj, por ai që tërhoqi më shumë vëmendje ishte ai i gazetares Fjodora. “E paske pasur ëndërr besoj?”, i ka shkruar ajo, ndërsa Arjola ia ka kthyer: “Vetëm ta prezantoja”. Kujtojmë se nga dalja e saj në festivalin ‘Netët e Klipit Shqiptar’, Arjola mori shumë mbështetje dhe u komplimentua shumë për performancën e saj dhe gjallërinë që i fali mbrëmjes.
https://www.instagram.com/p/Bzv4489HVkr/?igshid=1ov6uq720e6zq
