Arbenita Ismajli dhe Fero janë kthyer në një nga çiftet më të komentuar. Momentalisht ata jetojnë larg njëri-tjetrit, pasi Arbenita ndjek karrierën si modele në Londër, ndërsa Fero si reper në Kosovë, megjithatë mundohen të kalojnë sa më shumë kohë bashkë. Gjatë një interviste, Fero u shpreh se për momentin një fëmijë nuk është në planet e tij, pasi është i fokusuar në karrierë, por kjo foto që modelja publikoi në ‘Instastory-n’ e saj, i konfuzoi të gjithë. “Mama dhe baba?”, ka shkruar ajo, në një foto ku shfaqet me reperin në makinë. Kjo nuk është hera e parë që dyshja komentohet për një shtatzëni të mundshme, megjithatë këto thashetheme janë mohuar gjithmonë. Edhe kjo mund të jetë një shaka mes tyre, megjithatë presim një koment publik nga modelja ose reperi. Kujtojmë se Fero publikoi këngën e tij më të re ‘Ride or Die’, me Arbenitën si protagoniste në videoklip./revistawho.com
