“Të ka lali shpirt, të ka lali xhan” janë disa nga fjalët që bashkuan çiftin e njohur të muzikës shqiptare Silva Gunbardhi dhe Dafi Derti. I ftuar në emisionin Oktapod, dafi ka treguar se kjo këngë nuk ka qenë për Silvën, por ajo pasi e dëgjoi i pëlqeu dhe vendosi ta këndojë. Gjithashtu në fillim kjo këngë nuk ishte menduar të kishte strofën e rap-it që këndon Dafi, por pas disa provave në studio u vendos që kënga të mbahej në versionin përfundimtar. Ndërsa kur biseda u fokusua tek fillimet e marrëdhënies së tyre, Dafi tha: “Kishim kohë që e kalonim të gjithë ditën bashkë. Në koncerte në dalje të ndryshme”. Ndërsa për puthjen e parë ai nuk u përgjigj, por la të kuptohet që vendi dhe koha është një kujtim midis tyre. Pak muaj më parë ata janë gëzuar edhe me ardhjen në jetë të djalit të tyre Dalvi. “Isha në makinë dhe me erdhi një mesazh nga Silva. Do të bëhesh baba! Në atë moment ktheva makinën dhe shkova te ajo”, ka treguar ai. Mes të tjerash ai u pyet edhe për problemet që mund të lindin mes çiftit, për faktin që ata janë të dy të njohur e në skenë.”Të qenurit çift në skenë ka disa probleme. Por Silva është njeri i kuptueshëm ashtu si edhe unë, nuk kemi pasur problem e menaxhojmë mirë situatën”, ka theksuar ai.
Pas bashkëpunimit shumë të suksesshëm “Të ka lali shpirt”, ata bashkëpunuan edhe për këngën “Tequila”. Megjithatë Dafi nuk e përjashton edhe mundësinë për bashkëpunime të tjera në të ardhmen. Gjithashtu ai ka thënë se nuk e ka problem që Silva të bashkëpunojë edhe me këngëtarë të tjerë. Përsa i përket martesës, Dafi ka treguar se ata kanë bërë celebrimin, por jo një festë të madhe. “Dasmën e kam menduar, kur jam i ftuar diku për shembull e mendoj, por besoj se gjithçka duhet bërë në kohën e duhur. Kur t’i vijë koha e duhur do bëhet dhe ajo”, ka përfunduar ai.
