Të gjitha femrat kanë dëshirë të tregojnë një pjesë të lëkurës së tyre, por kur vjen puna për në tapetin e kuq, zbulimi i trupit vjen me një veprim të shtuar për të famshmet, rutina e bukurisë. Mendoni pak: pas shumë rregullave të ndjekura për të pasur një trup perfekt dhe pasi mësojnë si të pozojnë para një aparati fotografik, yjeve botërorë u duhet që edhe trupi tu shkëlqejë. Por ja cili është sekreti i tyre: pak pluhur ndriçues në pjesët më të larta të trupit. Këtë sekret bukurie e ka zbuluar ‘E! News’ nga disa artistë ‘makeup’-i që janë shumë të njohur. ‘Duhet të hidhni pak pluhur ndriçues në pjesën e klavikulës, tek shpatullat, tek kërciri i këmbës dhe në çdo pjesë tjetër të lëkurës që mund të kapet nga drita. Kjo bën që muskujt dhe kockat tuaja të duken më të zgjatuar dhe të dallohen më shumë.“ ka thënë Ashlee Glazer, drejtoresha e një prej kompanive më të mëdha të bukurisë. Përpara se të hidhni pluhurin ndriçues duhet ta lyeni trupin tuaj me një locion ose krem që krijon efekt ngjitës. Kjo do të ndihmojë që ndriçimi të qëndrojë gjatë gjithë ditës në trupin tuaj. Por duhet të keni kujdes edhe ne zgjedhjen e tonit të pluhurit ndriçues, sepse ai nuk duhet të krijojë kontrast me lëkurën tuaj.
