Këngëtarja e njohur, Selena Gomez ka më shumë se 152 milionë ndjekës në profilin personal në ‘Instagram’, por kjo nuk është një arsye mjaftueshëm e fortë sa për ta bërë atë të jetë në kontakt gjatë gjithë kohës me rrjetet sociale. Gjatë një interviste të dhënë së fundmi, ajo ka zbuluar se nuk e ka aplikacionin ‘Instagram’ në telefon sepse kështu i ul vetes dëshirën për ta kontrolluar shpesh profilin. “Nëse dua ta përdor gjej një telefon të rastësishëm të dikujt që kam afër dhe e hap sa për pak minuta. Kështu e shmang shumë kontaktin me rrjetet sociale dhe ndihme shumë më mirë”,-është shprehur ajo.
Nuk e dimë në e gjeni veten tek kjo zgjedhje që ka ndërmarrë Selena Gomez, po duket se nuk është një ide e keqe. Sipas një studimi të bërë nga organizata ndërkombëtare e shëndetit, ‘Instagram’ është renditur në vend të parë si media sociale me ndikimin më negativ në shëndetin mendor të një individi, ndërsa në vend të dytë renditet ‘Snapchat’. / revistawho.com
