Me të filluar turi i saj i koncerteve në Azi, në Jakarta , këngëtërja dhe aktorja Selena Gomez befasoi fansat e saj duke u treguar atyre anën e saj më të ndjeshme.
Gjatë koncertit të saj të parë në Azi, Selena ka qenë mjaft e emocionuar. Dhe duke kënduar këngën Kill ‘Em with Kindness, ajo është shprehur: Kënga tjetër , para se të ikim në shtëpi, është një këngë mjaft e rëndësishme për mua, sepse ndonjëherë kur ndihem e nevrikosur, sillem keq. Them gjëra që nuk duhet të them, ose që duken keq.
Disa besojnë se këngëtarja ndoshta i referohej mesazhit në Twitter në të cilin u akuzua se u përpoq të mbronte shoqen e saj Taylor Swift. Mesazhi thoshte ” e vërteta është se gjëja e fundit që kemi nevojë është urrejtja”. Por, komenti në dukje i pafajshëm shkaktoi zemërimin e fansave të Kardashian.
Selena këto ditë është treguar mjaft retrospektive në lidhje me jetën e saj në rrjetet sociale. Përmes tyre ajo ka komentuar: Kam nevojë të rimendoj disa pjesë të jetës sime kreative dhe personale.
