Pas dy historive shumë të forta të dashurisë me Justin Bieber dhe The Weeknd, Selena Gomez duket se është gati për një lidhje të re. Këtë herë kërkesat e saj për të dashurin e ri kanë ndryshuar. Tashmë Selena dëshiron që partneri i saj të ketë një profil të ulët publik, të mos jetë nga rrethi i personazheve të famshëm.
“Ajo kërkon që të jetë dikush që ka gjetur pasionin në jetë dhe është i suksesshëm, por nuk duhet të jetë VIP. Selena është më e hapur se kurrë për një marrëdhënie me një djalë jo të njohur”, – ka thënë një burim i afërt i këngëtares për ‘Hollywood Life’. Gjithashtu i njëjti burim ka treguar se Selena dëshiron që partneri i saj të ketë të njëjta vlera dhe besime si ajo dhe të jetë gjithmonë besnik ndaj saj. Gomez nuk dëshiron që të jetë më në qendër të vëmendjes mediatike për lidhjet e saj, prandaj kërkon që i dashuri të jetë një person sa më i thjeshtë. /revistawho.com
