Selena Gomez është parë ditën e premte të bëjë një vizitë surprizë në spitalin e fëmijëve në qytetin e Kansas. Këngëtarja 26-vjeçare është duke e përdorur emrin e saj për një kauzë të madhe, në disa fondacione bamirësie për t’i ardhur në ndihmë të gjithë fëmijëve në nevojë. Gomez kaloi një ditë të veçantë pranë pacientëve të vegjël, duke organizuar lojëra të ndryshme dhe duke dhënë shpesh herë autografe. Megjithatë ky nuk është eventi i vetëm në të cilin Selena do të marrë pjesë.
Burime për ‘Enews’ kanë zbuluar se ajo është duke u përgatitur të ndihmojë edhe organizata të tjera bamirësie si dhe do të jetë pjesë e turneut të lojës ‘Soft Ball’, i cili ka për qëllim të mbledhë fonde në shërbim të fëmijëve të sëmurë.
Kujtojmë se prej disa kohësh tashmë, Selena është tërhequr nga muzika, pa bërë të ditur se kur do të rikthehet sërish me një projekt të ri muzikor./revistawho.com
