Selena Gomez duket se është penduar për sherrin e bërë në rrjetin social Instagram me ish të dashurin e saj, Justin Bieber. Duket se ajo i ka kërkuar falje atij për komentet e bëra. Pa përmendur emrin e ish të dashurit, ajo ka bërë një postim në profilin e saj në “Snapchat”, duke shkruar: “Ajo çfarë unë thashë ishte egoiste dhe e pakuptimtë”. Selena dhe Justin nisën sherrin e tyre pas një postimi që këngëtari kanadez bëri në rrjetet sociale, duke kërcënuar fansat se do e bënte profilin e tij privat nësa ata do shkruanin komente negative për të dashurën e tij të re. Por Selena ka reaguar ndaj këtij postimi duke thënë se ai nuk duhet të postonte fotografi të të dashurës së tij. Më pas sherri përfundoi deri sa dyshja akuzoi njëri-tjetrin për tradhti. Gjithësesi Justin e mbajti premtimin e tij, fillimisht duke e bërë privat profilin e tij dhe më pas duke e fshirë atë.
