Selena Gomez rikthehet fuqishëm, debuton për herë të parë në festivalin e famshëm

Selena Gomez u shkëput për një kohë të gjatë nga skena, për t’u përqëndruar më tepër tek shëndeti i saj, kryesisht ai mendor. Megjithatë këtë vit ajo ka vendosur të rikthehet fuqishëm dhe të fitojë sërish vëmendjen e të gjithëve. Fundjavën e kaluar ajo u shfaq në “Coachella”, ndërsa shumë shpejt do të debutojë në një festival tjetër. “The Los Angeles Time” konfirmoi ditën e sotme përmes ‘Twitter-it’ se Gomez do të jetë e pranishme në festivalin e Kanës. Është mësuar se filmi në të cilin ajo ka rol kryesor, “The Dead don’t die”, do të hapë festivalin. Kjo do të jetë hera e parë që Selena Gomez do të ketë mundësinë të kalojë në tapetin e kuq të Kanës, sepse gjatë gjithë këtyre viteve karrierë nuk ka qenë e pranishme. Gjithashtu mundet që këtë fundjavë ajo të ngjitet sërish në skenën e “Coachella” për të performuar përkrah DJ Snake dhe Cardi B. /revistawho.com