Selena Gomez i është rikthyer sërish studios muzikore. Tekstshkruesi Justin Tranter ka fotografuar këngëtaren në studio, duke lënë kështu të nënkuptohet se ajo po punon për projekte të reja muzikore.
Tranter shkruan: “Muzikë dhe dashuri” dhe duket se Nick Jonas është emocionuar nga ky lajm pasi ka komentuar menjëherë duke shkruar ikonën e duarve që duartrokiten.
Pasi ka anuluar një pjesë të koncerteve të turneut për shkak të gjendjes jo të mirë shëndetësore, Gomez ka bërë paraqitjen e parë në “American Music Awards 2016”, ku dha një fjalim tepër emocionues.
