Selena Gomez ka zgjedhur që ta mbajë larg syrit të mediave jetën e saj private, ndonëse së fundmi ka vendosur të bëjë një përjashtim. 27-vjeçarja publikoi 4 foto nga pushimet e saj në Itali, aty ku dhe festoi ditëlindjen me familjarët dhe miqtë më të afërt të saj.
Një prej fotove të bukuroshes është kapur teksa ajo ka shëtitur me jaht, ndërsa në fotot e tjera shihet se Selena është shumë e lumtur pranë më të dashurve, duke i dedikuar atyre fjalët më të ëmbla. “Ndonjëherë nuk mund ta shpreh se sa e bekuar jam, tani është koha t’i kthehem punës”, ka shkruar Gomez bashkangjitur fotove të publikuara në llogarinë në ‘Instagram’.
Kujtojmë se vetëm pak ditë më parë Selena publikoi bashkëpunimin e saj më të fundit me firmën e njohur sportive ‘Puma’, për të cilën u shpreh shumë e lumtur./revistawho.com
