Një studim i fundit ka arritur të nxjerri rezultate të frikshme mbi ndikimin që kanë ‘selfiet’ në jetën e fëmijëve dhe adoleshenteve.
1300 të rinj të moshave 13-18 vjeç janë pyetur lidhur me përdorimin e rrjeteve sociale. Rezultatet zbulojnë një trend të ri që nxisin ‘Facebook’, ‘Instagram’ etj. Ky trend lidhet me të qenit ‘e dobët’ dhe ‘i/e bukur’. I nxitur nga personat e famshëm më së shumti, ky trend duket se po shkatërron vetëbesimin dhe jetët e adoleshentëve. Trendi i ‘selfieve’ gjithmonë e me tepër po i çon këta fëmijë drejt të menduarit negativisht për pamjen e tyre fizike. Shumë prej tyre mendojnë se janë të shëmtuar dhe e harrojnë faktin se shumica e ‘të famshmëve’ janë ashtu siç janë për shkak të palestrës apo operacioneve plastike.
Të rinjtë që janë studiuar, shprehen se presioni që i ushtrojnë vetes është shumë më i madh se ai që ndjejnë kur preken nga fenomeni i bulizmit. Ata ndihen më keq kur bëjnë foto dhe nxisin mendime negative te vetja se kur dikush tjetër i ‘shan’ për pamjen fizike.
Të qenit i/e bukur është totalisht subjektive, ndërsa të duash dhe pranosh veten me çdo të keqe apo të mirë është e domosdoshme, për të qenë i/e lumtur.
