Një deklaratë që filloi si koment brenda shtëpisë së Big Brother VIP Albania ka rikthyer në qendër të diskutimeve marrëdhënien mes Mirit dhe Selinës. Pas ndërhyrjes së Juelës, e cila sugjeroi se Selin mund të ketë ndjenja për Mirin, “protagonisti” reagoi për herë të parë në mënyrë të detajuar.
Deklarata e Juelës, që ndezi diskutimin, erdhi e drejtpërdrejtë:
“Ajo ka ndjenja për ty, Miri. Të gjithë kanë akuzuar Mirin, por sytë që ka Selin për ty, unë nuk kam me një mashkull që nuk më pëlqen. Do të të ndihmoj unë ty, duhet të më falënderosh për Kutinë e Pandorës që nuk ju kam futur bashkë”. Një fjali që ndryshoi këndvështrimin e situatës dhe e vendosi Mirin përballë një interpretimi publik të raportit të tyre.
Në reagimin e tij, Miri artikuloi për herë të parë dyshimet dhe presionin që ndjen nga perceptimi kolektiv, duke deklaruar:
“Më pëlqeu diçka, kam qenë në dyshime gjithë kohës, por nuk i kam thënë zë. Juela tha një gjë, se ajo është femër. Meqë e dëgjova tani, unë jam akuzuar gjithë kohës që paskam ndjenja, që jam njeri maniak, që kam kryer situata perverse, që jam dashuruar etj. Atë që dëgjova tani duhet ta mendoj mirë”.
Ai vijoi reflektimin duke vënë në pikëpyetje balancën e gjykimit: “Mos ndoshta është edhe në të kundërt kjo gjë, por atë nuk e akuzon njeri, por vetëm mua. Mos është edhe e kundërta? Po e mendoj njëherë, se nuk i dihet.” Në të njëjtën linjë, u përpoq të sqarojë kufijtë e ndërveprimit mes tyre dhe perceptimin publik të tij: “Ajo nuk u kthehet banorëve. Më thotë ‘hajde te dushi’ dhe akuzohem unë. Përqafimet nuk i kam shkëmbyer me zor dhe me dhunë. Më ka parë, e kam parë. Nuk më ka pyetur asnjëherë për bashkëshorten”.
