Khloe Kardashian i dha fund marrëdhënies me partnerin e saj, Tristan Thompson në muajin shkurt të këtij viti, pasi zbuloi tradhtinë e tij me miken e ngushtë të Kylie Jenner, Jordyn Woods. Kjo ngjarje tërhoqi vëmendjen e të gjithë ndjekësve të familjes Kardashian dhe u komentua gjerësisht në rrjet. Së fundmi ato kanë vendosur të shfaqin një pjesë të shpërthimit të Khloe Kardashian ndaj kësaj situate, në serinë e datës 30 qershor.
Në promon e publikuar shfaqet 34-vjeçarja duke u shprehur se jeta e saj nuk është një ‘reality show’ dhe se familja e saj u shkatërrua për shkak të Jordyn. Më pas shihet se ajo flet në telefon dhe shpërthen duke bërtitur: “Gënjeshtare”. Nga kjo skenë fansat e Khloe-s kanë aluduar se ajo ka folur me Woods, për të sqaruar situatën e ndodhur mes saj dhe Thompson.
Nuk dihet ende se çfarë surprizash të tjera do të rezervojë kjo seri e ‘Keeping Up With The Kardashians’, por kjo pritet të zbulohet në vetëm pak ditë./revistawho.com
