Endri Karaboja është një emër i njohur në fushën e kërcimit dhe koreografisë. Pasioni dhe përkushtimi ndër vite i është shpërblyer me besim dhe punë, mes emrave të njohur të botës së televizionit në Shqipëri. Si rezultat i saj, me shumë seriozitet ka arritur të krijojë kompaninë ‘Endri Event’. Një ide e mirëmenduar, që prej pak muajsh ka festuar 1-vjetorin e lançimit në treg.
Siç vetë drejtuesi i kësaj kompanie zbulon është dashur kohë që të studiohet tregu, jo më kot realizimi i idesë fillestare ka vonuar. Qëllimi kryesor i tij që në krye të herës ka qenë ofrimi i shërbimit cilësor tek klientët. Ndonëse biznese të të njëjtit karakter nuk janë të pakta në vendin tonë, Karaboja ka synim kryesor të dhurojë cilësinë dhe shërbimin e mirë tek klientët. Pjesa më e bukur e të qenurit pas një kompanie eventesh është puna me njerëzit. ‘Endri Event’ ka një skuadër profesionistësh që në thelb ka punën në grup për detajet.
Njerëzit i drejtohen kompanisë me një ëndërr, prandaj kur vjen puna tek marrëdhënia me ta Endri thekson se puna është shumë e bukur, por edhe e vështirë. “Klientët kërkojnë maksimumin brenda buxhetit që kanë në mendje. Pjesa më e bukur është krijimtaria, fakti që je gjatë gjithë kohës në lëvizje dhe në kërkim të ideve të reja. Por përkushtimi është mbi gjithçka. Puna e mirë arrihet vetëm me përkushtim, sidomos në një treg që është konkurrues”,-shprehet Karaboja. Ndër emrat më të njohur të ekranit me të cilët ka punuar kompania në fjalë është edhe Sonila Meço, e cila me ndihmën e ‘Endri Event’ realizoi një festë surprizë për të bijën ashtu siç kjo e fundit ëndërronte.
Megjithëse një emër i ri në tregun shqiptar, për Endrin qëllimet janë të qarta. Dëshira për të zgjeruar biznesin dhe për t’u renditur mes emrave më të mirë të në treg është parësore. Me premtimin që shërbimet do të shtohen dhe cilësia nuk do të bjerë kurrë, ‘Endri Event’ është emri të cilit duhet t’i besoni ëndrrën tuaj në ditët më të veçanta të jetës. /revistawho.com
