Nick Jonas dhe Priyanka Chopra e bënë publike lidhjen e tyre para dy muajsh. Menjëherë dy të rinjtë u kthyen në çiftin më të diskutuar të showbizit botëror dhe sytë e mediave u kthyen tek ta. Dashuria mes tyre vetëm rritet çdo ditë dhe kjo kuptohet qartë.
Mediat shkruajnë se është hera e parë që Nick përkushtohet kaq shumë në një lidhje. Ndërsa tani burime pranë çiftit kanë zbuluar për mediat se Jonas dhe Chopra janë fejuar. Sipas ‘People’ Priyanka ka hequr dorë nga një prej filmave për të qëndruar me Nick. Ndërsa ky i fundit pak javë më parë e mori aktoren e njohur indiane në dasmën e kushëririt, ku kjo e fundit u njoh me familjen e këngëtarit.
Gjithsesi për t’i vënë kapak të gjithave pritet konfirmimi i fejesës nga dy protagonistët./revistawho.com
