Tuna Sejdiu ka qenë në qendër të vëmendjes të mediave këto ditë, kjo për shkak të një fotoje që këngëtarja kishte publikuar në ‘Instagram’ ku barku i saj dukej pak i fryrë. Fansat e komentuan këtë si një shtatzëni të mundshme dhe me foton që publikoi sot, Tuna i ngriti akoma dhe më shumë dyshimet. Ajo mbante të veshur një ‘body’ me tyl dhe sipër saj një kimono të fryrë, por të hapur në pjesën e barkut duke e bërë atë shumë të dukshëm. Komentet ishin të shumta po ato që ranë më shumë në sy ishin komentet në lidhje me thashethemet e fundit. Disa e pyesnin nëse ishte sërish shtatzënë, ndërsa dikush uronte që fëmija të ishte një vajzë. Momentalisht Tuna ka vendosur ta kalojë këtë situatë në heshtje, por se çfarë do ndodhë në ditët në vazhdim mbetet për t’u parë. Kujtojmë se Tuna dhe Patris Berisha janë prindër të një djali të quajtur Tian./revistawho.com
https://www.instagram.com/p/B0RRKxcFVwv/?igshid=xyvggla0944w
