Në një konferencë për media të mbajtur këtë të hënë, IPKO ka zbuluar një partneritet të ri kreativ me dy nga emrat më të mëdhenj të skenës muzikore shqiptare: Ledri Vula dhe Era Istrefi.
Ky bashkëpunim nuk sjell një projekt muzikor, por një fushatë të re që synon të bashkojë artin, muzikën dhe teknologjinë – e gjitha kjo me fokus tek të rinjtë në Kosovë.
Në konferencë morën pjesë përfaqësues të IPKO-s, artistët Era dhe Ledri, si dhe menaxheri i njohur Faton Shoshi, i cili e cilësoi këtë si një moment të rëndësishëm për industrinë kreative dhe teknologjike në vend.
“Faleminderit që keni ardhur, përfaqësues të mediave. Jam shumë i privilegjuar për këtë bashkëpunim. Ky është një prej investimeve ndërkombëtare më të mëdha në Kosovë dhe më të suksesshme”, u shpreh Fatoni.
Fushata e re do të zhvillohet përgjatë muajve në vijim dhe, sipas organizatorëve, do të sjellë përvoja të reja për klientët e IPKO-s, duke e kthyer këtë partneritet në një nga më interesantët e vitit.
