Laert Vasili ka dhënë një deklaratë të fortë në “Për’puthen”, ku është pjesë e panelit të opinionistëve. Edhe pse është një nga meshkujt më karizmatikë të ekranit, Laerti vijon të jetë beqar – dhe së fundmi, ka treguar pse.
Në një debat për marrëdhëniet dhe martesën, ai nuk u përmbajt aspak:
“Nëse burri është burrë, martesa nuk është lojë. Këtu ke një njeri që nuk është martuar për këtë arsye. Se nuk dua të marr divorc pastaj. Nuk martohesh sot për t’u penduar nesër. Nuk më pëlqen ideja ‘po martohem, pastaj shohim’ apo ‘po martohem se duhet’ Ku shkojmë kështu? Të ndahesh, të lësh fëmijët, të gjesh një tjetër rrugëve… këto janë marrëzi. Martesa është e shenjtë dhe kërkon përgjegjësi.”
Deklarata e tij ndezi menjëherë diskutime në studio. Një pjesë e panelit u tregua dakord, duke thënë se sot dashuritë lindin e shuhen me shpejtësi. Por kishte edhe nga ata që mendonin se të qëndrosh në një martesë vetëm “se duhet”, mund të jetë më e dëmshme se ndarja.
Megjithatë, Laerti nuk e zbuti tonin asnjë çast. Ai vijoi të flasë për martesën me seriozitetin që, sipas tij, i mungon brezit të ri:
“Kur zgjidh partnerin e jetës, duhet ta dish pse. Duhet ta shohësh të ardhmen, jo vetëm të tashmen. Martesa nuk mbahet me dëshira të ditës. Mbahet me punë, përkushtim dhe respekt.”
