Në një prej emisioneve në Kosovë, kantautori Blerim Muharremi ka ironizuar për faktin se cilësohet si një ndër personazhet më të përfolur. Blero e ka krahasuar veten me dy lider të rëndësishëm të politikës kosovare, ish- kryeministrin Hashim Thaçi dhe kreun e Vetëvendosjes Albin Kurti. Ai është shprehur se dëshiron t’i ftojë të dy për darkë, që të diskutojnë se kush është më i famshmi. “Më shumë i përfolur se Hashim Thaçi dhe Albin Kurti? Do t’i ftoja në darkë për të fol se cili është emri më i përmendur”, ka thënë Blero duke qeshur. Artisti kosovar është vënë nën shënjestrën e gazetarëve sidomos muajt e fundit pas divorcit dhe lidhjes së tij të re.
