Mesa duket, më në fund, çifti i përfolur prej muajsh nuk ka më pse të fshihet! Influencerja e njohur Vesa Vllasaliu dhe sulmuesi i Kombëtares Shqiptare Mirlind Daku kanë bërë hapin publik duke ndarë me ndjekësit një moment shumë të ëmbël nga përvjetori i lidhjes së tyre.
Ka qenë vetë Vesa ajo që ka publikuar një seri fotosh në Instagram, ku shihet duke u puthur me partnerin e saj.
Në një tjetër Instastory, influencerja ka ndarë edhe një buqetë me trëndafila të kuq, e cila – sipas të gjitha gjasave – është dhurata romantike e Dakut për përvjetorin. Mbi foto, ajo ka shkruar thjesht:
“Gëzuar përvjetorin.”
Edhe pse për muaj të tërë dyshja është përpjekur ta mbajë lidhjen larg syve të publikut, fansat nuk kanë qenë të verbër ndaj detajeve. Më parë, Vesa është parë disa herë duke e mbështetur Mirlindin në ndeshjet e tij, përfshirë edhe në “Air Albania”, gjatë përballjes me Letoninë.
