Shakira është detyruar të shtrohet në spital pas shqetësimeve me stomakun, duke u detyruar të anulojë koncertin e saj të planifikuar në Lima, Peru.
Lajmi u bë i ditur nga vetë këngëtarja, e cila përmes një postimi në Instagram shpjegoi se mjekët i kishin rekomanduar të mos performonte për shkak të gjendjes së saj shëndetësore.
“Jam shumë e trishtuar që nuk do të mund të ngjitem në skenë sot. Jam thellësisht e prekur dhe e emocionuar që takoj sërish publikun tim të dashur peruan. Plani im është që ta bëj këtë shfaqje sa më shpejt. Ekipi im dhe organizatori tashmë janë duke punuar për një datë të re”, tha ajo.
Ky incident ndodhi teksa Shakira është në mes të turneut për promovimin e albumit të saj më të fundit, “Las Mujeres Ya No Lloran”, i cili reflekton periudhën e saj të vështirë pas ndarjes nga ish-futbollisti Gerard Piqué.
