Shakira vendosi të kthejë faqen pas ndarjes me Gerard Pique dhe e la të kaluarën pas gati dy muaj më parë kur u transferua në Miami me fëmijët e saj, pasi jetonte në Barcelonë për më shumë se 10 vjet. Tani, ajo ka nevojë për ndihmë pasi kujdeset vetëm për fëmijët e saj, Milanin dhe Sashën.
Sipas La Vanguardia, kolumbianja është në kërkim të një dadoje për ta mbështetur me kujdesin e tyre dhe paga është e majmë. Gazeta spanjolle tregon se këngëtarja po kërkon të gjejë personin ideal për t’u bërë dado e fëmijëve të saj.
Sa i përket pagës, Shakira ofron një pagë prej rreth 2350 dollarë në muaj, plus shpenzimet e udhëtimit.
Oferta e Shakirës është dyfishi i asaj që fitojnë normalisht dadot me kohë të plotë në Miami, që është rreth 1070 dollarë në muaj.
Sikur të mos mjaftonte kjo, dadoja e Milanit dhe Sashës do të jetojnë në rezidencën luksoze të Shakirës, që ndodhet në zonën ekskluzive të North Bay Road Drive.
Rezidenca ka gjashtë dhoma gjumi, një dhomë lojrash, spa, palestër dhe shtatë banja.
Krahas kërkesës për përvojë në kujdesin e fëmijëve, është një kusht parësor që këngëtarja e ka përcaktuar dhe ky është që personi i zgjedhur për t’u kujdesur për fëmijët e saj të mos ketë asnjë kontakt me shtypin, diçka që do të vërtetohej edhe me një kontratë konfidencialiteti.
