Kur vjen në jetë një fëmijë thonë se jeta të ndryshon rrënjësisht dhe përgjegjësit rriten, aq më tepër kur këtë ndjesi e provon shumë i ri.
Gazetari dhe komentatori sportiv Dritan Shakohoxha, i ftuar në emisionin “Në kurthin e Piter Pan” ka treguar se kur erdhi në jetë Frenkli, fëmija i tij i parë ka qenë vetëm 23 vjeç.
I pyetur nga fëmijët se cili ka qenë momenti më i vështirë në jetën e tij, gazetari e ka lidhur sërish me të birin.
“Momenti ndoshta më i vështirë i jetës ka qenë kur Frenkli, djali im i madh, pati një akident dhe u vra në kokë. Na u krijua ideja se do të ndodhte ndonjë gjë shumë e keqe. Thonë shpesh se njeriu mund të qëndrojë pa gjumë, ne kemi qëndruar 5 ditë pa gjumë dhe pa ngrënë, por Zoti është i madh. Gjithçka kaloi” – tregoi gazetari./revistawho.com
