Xherdan Shaqiri mund të rikthehet në Bundesligë
Borussia Dortmundi e sheh mesfushorin shqiptar, Xherdan Shaqirin si zëvendësuesin ideal të Henrikh Mkhitaryanit, i cili javë më parë u transferua te Manchester Unitedi.
Trajneri i Stoke Cityt, Mark Hughes dëshiron që të përfitojë një shumë të madhe parash nga shitja e Shaqirit, i cili nuk kishte vazhdimësi në sezonin e tij të parë në Premierligë, duke shënuar vetëm 3 gola, raporton The Sun.
Megjithatë, Shaqiri tregoi një fytyrë tjetër në Euro 2016, duke shënuar edhe golin më të bukur të kësaj gare prestigjioze.
Dortmundi e dëshiron me çdo kusht shqiptarin në radhët e tyre dhe fjalën e fundit pa dyshim që do ta ketë klubi anglez, që transferoi Shaqirin një vit më parë nga Interi. /Express/
