Sharon Stone: Nuk kam frikë nga vdekja pasi e kam provuar atë

Sharon Stone është në dijeni se si duket parajsa. Në një intervistë të dhënë për revistën “Closer”, aktorja ka treguar së në 2001 ajo ka pësuar nje hemoragji në tru dhe sipas saj ajo ka provuar vdekjen, duke u rikthyer përsëri në jetë. “Ndjeva sikur vdiqa”, ka thënë aktorja e “Basic Insrinct” për revistën. “Ishte një lloj drite gjigante sipër meje, e cila u duk sikur më rrëmbeu. Nisa të takoja disa njerëz që kanë qënë shumë të shtrenjtë për mua, të cilët kanë humbur jetën”. “Ishte si një udhëtim i vërtetë, i cili herë më çonte lart, herë këtu. Ishte një ndjesi shumë e shpejtë dhe papritur u riktheva në jetë. Isha përsëri tek trupi im”, ka thënë ajo, duke shtuar se kjo eksperiencë e ka bërë atë të mos jetë më kurrë e njëjtë. Aktorja ka treguar gjithashtu se nuk ka aspak frikë nga vdekja dhe se dëshiron që njerëzit ta dinë se vdekja është diçka e bukur, është një dhuratë.