Shawn Mendes dhe Camila Cabello publikojnë prapaskenat e videoklipit dhe fansat janë ‘çmendur’

‘Senorita’ ishte hiti që Camila Cabello dhe Shawn Mendes sollën pak muaj më parë dhe që nisi spekulimet për një lidhje romantike mes tyre. Që nga ajo kohë ata kanë qenë në qendër të vëmendjes të mediave dhe të fansave, të cilët sa herë i shohin duke u puthur ose përqafuar i fotografojnë menjëherë. Ditën e sotme, në ‘Youtube’ dy këngëtarët kanë publikuar prapaskenat e videoklipet dhe të gjithë fansat e tyre janë ‘çmendur’. Shawn dhe Camila shfaqen me veshje normale duke përgatitur performancën provokuese që shohim tek ‘Senorita’. “Kjo është si një performancë në jetën reale e ‘Dirty Dancing’”, shkruan një komentues dhe shumë të tjerë kanë rënë dakord me këtë koment. Kohë më parë të gjithë mendonin se lidhja e tyre ishte një gënjeshtër, por burimet e afërta dhe vetë dedikimet romantike të këngëtarëve, vërtetuan të kundërtën./revistawho.com