Ministria e Shëndetësisë mëngjesin e sotëm ka njoftuar se është shënuar viktima e katërt nga koronavirusi në vendin tonë.
Pacienti 43 vjeçar, nga Kavaja ndodhej në terapi intensive tek infektivi. Gjendja e tij është rënduar mbrëmjen e djeshme, ku viktima është vendosur në frymëmarrje të drejtuar.
Ministria e Shëndetësisë njofton se 43 vjeçari përpos obezitetit, nuk kishte probleme të tjera shëndetësore.
Po ashtu, pak minuta më parë u dha lajmi për ndarjen nga jeta të një pacient 61-vjeçar i shtruar në spitalin Infektiv, i konfirmuar me COVID-19, i cili ndodhej në terapi intensive.
61-vjeçari nga Tirana është vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë. 61-vjeçari kishte sëmundje bashkëshoqëruese.
