Sheqeri i dëmshëm për shëndetin? Gjithçka varet nga sasia dhe lloji i sheqerit që konsumoni

Varësia ndaj sheqerit është diçka që shumë persona nuk mund ta shmangin. Gjithmonë është cilësuar si një produkt i dëmshëm për shëndetin tonë. Po a është sheqeri aq i dëmshëm sa të ndalojmë veten ndaj konsumimit të tij? Në këtë artikull do të gjeni sasinë e duhur të sheqerit që duhet të konsumoni gjatë një dite. Njerëzit nuk e kuptojnë, por nuk konsumohet vetëm sheqer i bardhë, sepse ka dhe shumë burime të fshehura të tij. Përshembull një lugë çaji me ketchup përmban një lugë çaji sheqer. Sipas ‘Administrimit të ushqimit dhe ilaçeve’ sasia e rekomanduar e sheqerit është 10% e kalorive ditore. Ndërsa Organizata Botërore e Shëndetit e redukton këtë përqindje, nga 10 në 5 ose 25 gramë sheqer në ditë. Megjithatë përveç sheqerit natyral, ekziston edhe sheqeri i shtuar, të cillin e marrim kryesisht përmes ushqimeve të paketuara. Sheqeri i shtuar ndikon negativisht në trup, duke rritur më shpejt nivelin e sheqerit në gjak.  Përveç kësaj ky lloj sheqeri mund të shkaktojë probleme të tjera si shtim në peshë, sëmundje zemre, sëmundje kronike, inflamacion në trup etj. E gjitha çfarë duhet të bëni është të monitoroni sasinë e sheqerit të shtuar, sepse askush nuk shton peshë nga konsumimi i përditshëm i qumështit që përmban sheqer natyral. /revistawho.com