Burime nga policia e Tiranës kanë bërë të ditur për ‘RevistaWho.com’ ditën e djeshme se dy aktorët e njohur, Gent Hazizi dhe Ledio Lako janë ndaluar për shkak të një sherri me njëri-tjetrin.
Ndërsa sot, Policia e Tiranës ka dhënë detaje të tjera mbi sherrin. Sipas tyre ka qenë Ledio Lako që ka qëlluar me një përforcues grushti metalik, aktorin Gent Hazizi dhe një person tjetër që ka qenë në shoqërinë e këtij të fundit pranë një karburanti në zonën e Ish-ekspozitës. Më datë 27.04.2020, u referuan materialet në Prokurorinë pranë Gjykatës së Shkallës Parë Tiranë, për shtetasin Ledio Kristaq Lako, i datëlindjes 06.04.1980, banues në Tiranë, me arsim 16 klasë, sepse në orën 12:15, në bulevardin “Gjegj Fishta”, në afërsi të karburant “Elda”, ka goditur me përforcues grushti, metalik, shtetasit Gentian Riza Hazizi dhe Elton Agron Myftiu, të datëlindjes 16.11.1972 e 10.07.1975, banues në Tiranë, me arsim 12 e 16 klasë. Përforcuesi metalik, u sekuestrua në cilësinë e provës materiale. Nenet 279 e 89 të K.P.”, thuhet në njoftimin zyrtar të Policisë së Tiranës.
Kujtojmë se Lako është prej vitesh një nga figurat e spektaklit të humorit “Portokalli”, ndërkaq që Hazizi është shkëputur prej disa vitesh nga ky program dhe është protagonist në një format shumë të dashur si ‘Familja KuqEzi’./revistawho.com
