Këngëtarja Jonida Maliqi ishte e ftuara e radhës në emisionin ‘Pop Culture’ në ‘Top Channel’, ku u intervistua nga moderatorët Kelvi Kadilli dhe Dojna Mema.
Krahas impenjimeve të saj në muzikë dhe në fushën e modës, në studion e emisionit u fol edhe për një sherr të saj të mundshëm me kolegen e saj, Tunën.
E ngacmuar nga moderatori Kadilli se thuhej që ajo dhe bashkëpunëtorja e saj në këngën ‘Forca e Femrës’ kishin pasur një zënkë, Maliqi mohoi gjithçka. ‘Jo, nuk ka ndodhur aspak një gjë e tillë dhe madje përfitoj nga rasti për ta uruar për mëmësinë.’- u shpreh këngëtarja e njohur./ Xing.al
