Çmimi Europian për hapësirën publike urbane është një konkurs dy vjeçar organizuar nga “Qendra e Kulturës Bashkëkohore të Barcelonës” (ÇCB) dhe gjashtë institucionet evropiane me qëllim për të njohur dhe për të inkurajuar projektet e rimëkëmbjes dhe mbrojtjen e hapësirës publike në qytetet tona. Ideja e konkursit u krijua në vitin 2000 dhe këtë vit feston edicionin e tij të dhjetë.
Në konkurs kanë marrë pjesë 32 vende europiane si Amsterdami, Barcelona e shumë të tjera. Për këtë vit çmimin e parë e ka fituar sheshi “Skënderbej”i cili mundi të lërë pas qytete mjaft të njohur të cilët vizitohen nga mijëra turistë.
Lidhur me këtë çmim ka reaguar edhe kryeministri Rama me anë të një statusi në ‘Facebook’ ku ka shprehur gëzimin e tij. Rama shprehet se ideja u projektua e filloi zbatimin nën rrebeshin e sulmeve të qeverisë së kohës Berisha dhe analistëve. Por pas një odiseje që zgjati plot 10 vjet, sheshi “Skënderbej “që e deshëm me të gjithë forcën e vizionit e të këmbënguljes sonë, ka marrë të gjithë hakun që meriton ka shtuar kryeministri./revistawho.com
